ക്രിസ്മസ് വെക്കേഷൻ അവധി സമയത്ത് യാത്ര പുറപ്പെടാൻ ആസൂത്രണം തുടങ്ങുന്ന സമയമാണ് ഇത്. ചെലവ് കുറച്ച് യാത്ര ചെയ്യാനുള്ള മാർഗ്ഗം അറിഞ്ഞു വയ്ക്കാം. യാത്രകളിലെ വലിയ ചെലവായ താമസവും ഭക്ഷണവും സൗജന്യമായി ലഭിക്കുന്ന ഈ ക്രെഡിറ്റ് കാർഡുകളെ കുറിച്ച് പരിചയപ്പെടാം. ഇവയിലെ റിവാർഡ് പോയിന്റുകൾ ട്രാൻസ്ഫർ ചെയ്തു പഞ്ചനക്ഷത്ര ഹോട്ടലിൽ താമസം ഉറപ്പിക്കാം.
എന്താണ് ഹോട്ടൽ ലോയൽറ്റി പ്രോഗ്രാം
ഹോട്ടൽ ഗ്രൂപ്പിന്റെ ഭാഗമായ വസ്തുവിൽ താമസിക്കുന്നവർക്ക് വിവിധ ആനുകൂല്യങ്ങൾ ലഭിക്കുന്ന അംഗത്വ പ്രോഗ്രാമാണ് ഹോട്ടൽ ലോയൽറ്റി പ്രോഗ്രാം. പുതിയ ഉപഭോക്താക്കളെ താമസക്കാരായ ലഭിക്കുന്നതിനും നിലവിലുള്ളവരെ നിലനിർത്തുന്നതിനും ഈ ലോയൽറ്റി പ്രോഗ്രാം സഹായിക്കും. മാരിയറ്റ് ബോൺവോയ്, അകോർ പ്ലസ്, താജ് എപിക്യൂർ, അകോർ ലൈവ് ടൈംലെസ്സ്, ക്ലബ്ബ് ഐടിസി തുടങ്ങിയവയാണ് നിലവിലെ ഹോട്ടൽ ലോയൽറ്റി പ്രോഗ്രാമുകൾ.
നേട്ടങ്ങൾ
ഹോട്ടൽ ഗ്രൂപ്പിന്റെ വിവിധ വസ്തുക്കളിൽ റൂം നിരക്കുകളിൽ ഇളവ് ലഭിക്കും. മാത്രമല്ല ഭക്ഷണപാനീയങ്ങൾ, സ്പാ, പ്രോപ്പർട്ടികളിലെ മറ്റു സൗകര്യങ്ങൾ എന്നിവയിലും കിഴിവു ലഭിക്കും. നേരത്തെ ഉള്ള ചെക്ക് ഇൻ, വൈകിയുള്ള ചെക്ക് ഔട്ട്, റൂം ബുക്കിങ്ങിന് ചെലവഴിച്ച തുക, ഭക്ഷണം, തുടങ്ങിയ ചെലവുകളിൽ റിവാർഡ് പോയിന്റുകൾ തുടങ്ങിയ നിരവധി ആനുകൂല്യങ്ങൾ ഹോട്ടൽ ലോയൽറ്റി പ്രോഗ്രാം വഴി ലഭിക്കും.
ക്രെഡിറ്റ് കാർഡ് റിവാർഡ് പോയിന്റുകൾ ഉപയോഗിക്കാം
ചില ബാങ്കുകൾ അവരുടെ ക്രെഡിറ്റ് കാർഡുകളെ വിവിധ ഹോട്ടലുകൾ പ്രോഗ്രാമുകളും ആയി ബന്ധിപ്പിച്ചിട്ടുണ്ട്. ഇതുവഴി ക്രെഡിറ്റ് കാർഡ് ഉപഭോക്താക്കൾക്ക് റൊണാൾഡ് പോയിന്റുകൾ ഹോട്ടലിൽ പ്രോഗ്രാമിലേക്ക് മാറ്റുവാൻ സാധിക്കുന്നതാണ്. ഇത് പ്രത്യേക ഒരു അനുപാതത്തിലാണ് മാറ്റാൻ കഴിയുക.
ഉദാഹരണമായി പറഞ്ഞാൽ എച്ച്ഡിഎഫ്സി ഇൻഫിനിയ ക്രെഡിറ്റ് കാർഡ് റിവാർഡ് പോയിന്റുകൾ അഗോർ ലോയൽറ്റി പ്രോഗ്രാമിലേക്ക് 1:1 എന്ന് അനുപാതത്തിലേക്ക് മാറ്റാൻ കഴിയും. ആക്സിസ് അറ്റ്ലസ് കാർഡ് ഉടമകൾക്ക് 1:2 എന്ന അനുപാതത്തിലും ആയിരിക്കും.
എച്ച്ഡിഎഫ്സി ബാങ്ക് ക്രെഡിറ്റ് കാർഡ് റിവാർഡ് പോയിന്റുകൾ അകോർ ലൈവ് ലിമിറ്റ്ലെസ്സ്, വിൻഹാം റിവാർഡ്സ്, ഐഎച്ച്ജി വൺ റിവാർഡ് എന്നിവയിലേക്ക് മാറ്റാം.
ആക്സിസ് ബാങ്ക് ക്രെഡിറ്റ് കാർഡ് റിവാർഡ് പോയിന്റുകൾ അകോർ ലൈവ് ലിമിറ്റ്ലെസ്സ്, മാരിയറ്റ് ബോൺവോയ്, വിൻഹാം റിവാർഡ്സ്, ഐഎച്ച്ജി വൺ റിവാർഡ്സ്, ക്ലബ്ബ് ഐടിസി, എന്നിവയിലേക്ക് ട്രാൻസ്ഫർ ചെയ്യാം.
അമേരിക്കൻ എക്സ്പ്രസ് ക്രെഡിറ്റ് കാർഡിലെ റിവാർഡ് പോയിന്റുകൾ മാരിയറ്റ് ബോൺവോയിലേക്ക് മാറ്റാം.
ഹോട്ടൽ മുറി സൗജന്യമായി എങ്ങനെ ലഭിക്കും
ക്രെഡിറ്റ് കാർഡ് റിവാർഡ് പോയിന്റുകൾ ഹോട്ടൽ ലോയൽറ്റി പ്രോഗ്രാമിലേക്ക് ട്രാൻസ്ഫർ ചെയ്താൽ ഹോട്ടൽ മുറി ബുക്ക് ചെയ്യാൻ ഹോട്ടൽ ലോയൽറ്റി പ്രോഗ്രാമുകൾ ഉപയോഗിക്കാം. ഇത് വഴി സൗജന്യമായി ഹോട്ടൽ മുറി ലഭിക്കും. വിവിധ ഹോട്ടലുകളുടെ ഗിഫ്റ്റ് വൗച്ചറുകൾ വാങ്ങുന്നതിന് ക്രെഡിറ്റ് കാർഡ് റിവാർഡുകൾ റെഡീം ചെയ്യാൻ ബാങ്കുകൾ അനുവദിക്കാറുണ്ട്.
വിവിധ ഓൺലൈൻ ട്രാവൽ അഗ്രഗേറ്റർമാരുടെ ഗിഫ്റ്റ് വൗച്ചറുകളും ക്രെഡിറ്റ് കാർഡ് റിവാർഡ് പോയിന്റുകൾ കൊണ്ട് റെഡീം ചെയ്യാൻ സാധിക്കും. ക്ലിയർട്രിപ്പ്, ഈസിമൈട്രിപ്പ്, മേക്ക്മൈട്രിപ്പ് യാത്ര തുടങ്ങി ഓൺലൈൻ ട്രാവൽ അഗ്രഗ്രേറ്റർമാരുടെ ഗിഫ്റ്റ് വൗച്ചറുകൾ വാങ്ങുന്നതിന് ക്രെഡിറ്റ് കാർഡ് റിവാർഡ് പോയിന്റുകൾ റേഡിയം ചെയ്യുന്നതിന് അമേരിക്കൻ എക്സ്പ്രസ് അനുവദിക്കും. വൗച്ചർ ഉപയോഗിച്ച് ഈ പ്ലാറ്റ്ഫോമിൽ നിന്ന് ഹോട്ടൽ മുറി ബുക്ക് ചെയ്യാം.